Vlorë, operacioni policor  “Stroke” çon në pranga dy persona

18:27 | 13/06/2018

Dy persona kanë rënë në prangat e policisë së Vlorës, njëri i shpallur në kërkim dhe një tjetër për armëmbajtje pa leje. Operacioni i Policisë  “Stroke” vuri në pranga 29 vjeçarin, Rigert Memaj banues në Vlorë, i idënuar me 3 vite e 4 muaj burg për kultivim të bimëve narkotike dhe 38 vjeçarin Elton Gërdhuqi, i cili qarkullonte me armë zjarri pa leje. Gjatë operacionit janë sekuestruar edhe një armë zjarri pistoletë dhe një automjet tip Jaguar.

Njoftimi i Policisë Vlorë

Strukturat Policore të Komisariatit të Policisë Vlorë në zbatim të plan masave të marra për rritjen e parametrave të sigurisë gjatë sezonit turistik me qëllim evidentimin dhe goditjen e paligjshmërisë, kapjen e ndalimin e shtetasve të shpallur në kërkim por edhe të atyre që posedojnë apo qarkullojnë me armë zjarri pa leje, kanë zhvilluar operacionin “Stroke”.

Si rezultat, është kapur shtetasi i shpallur në kërkim :

Rigert Memaj, 29 vjeç, banues në Vlorë.

Gjykata e Rrethit Gjyqësor Vlorë me vendim nr.546 datë 25.09.2017, e ka dënuar këtë shtetas me 3 vite e 4 muaj burg për veprën penale ”Kultivimi bimëve narkotike”.

Gjithashtu është arrestuar në flagrancë shtetasi:

Elton Gërdhuqi, 38 vjeç, lindur në Vlorë, banues në Sarandë.

Shtetasi i mësipërm qarkullonte në qytet me një mjet tip ”Jaguar”, në të cilin posedonte një armë zjarri pistoletë pa leje.

Policia ka sekuestruar në cilësinë e provës materiale:

1 armë zjarri pistoletë,

1 automjet tip Jaguar.

Materialet hetimore iu referuan Prokurorisë së Rrethit Gjyqësor Vlorë, për veprat penale ”Kultivimi bimëve narkotike” dhe “Prodhimi dhe mbajtja pa leje e armëve luftarake dhe municionit”, parashikuar nga nenet 284 dhe 278 të Kodit Penal.

Policia është e angazhuar maksimalisht për të përmbushur të gjitha detyrimet ligjore për të siguruar ambjente sa më të sigurta, veçanërisht përgjatë sezonit turistik, si dhe fton e nxit të gjithë shtetasit të cilët konstatojnë veprimtari antiligjore të telefonojnë në numrin pa pagesë 129 duke siguruar një reagim të shpejtë dhe të paanshëm. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono