Vlorë, kapet kosovari i dyshuar për terrorizëm

16:59 | 13/02/2019

Një shtetas kosovar në kërkim për pjesëmarrje në grupe terroriste është kapur në Vlorë. Sipas policisë, 32-vjeçari tentoi të kalojë kufirin shqiptar me dokumente të falsifikuara.

Drejtoria Vendore e Policisë Kufitare Vlorë në bashkëpunim me Drejtorinë Vendore të Policisë Vlorë bënë kapjen e tij pasi nga verifikimet e bëra në zyrën Qendrore Kombëtare Interpol Tirana rezultoi se F.D, është shpallur në kërkim nga autoritet policore kosovare.

Gjykata Themelore e Prishtinës ka lëshuar urdhrin e kërkimit në Janar të 2018 kundrejt tij për vendosjen e masës së sigurisë “Arrest në burg” për veprën penale “Organizim dhe pjesëmarrje në grupe terroriste” sipas Kodit Penal të Republikës së Kosovës.

Gjithashtu, ky shtetas është kapur në kushtet e flagrancës në Portin e Vlorës pasi ka tentuar të dalë nga Republika e Shqipërisë duke përdorur pasaportë të falsifikuar maqedonase të lëshuar në 2018-n./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono