Vlerësohet nënkomisioni i 11-të BE-Shqipëri

09:17 | 25/04/201909:170

Takimi i nënkomisionit të 11-të mbi Drejtësinë, Lirinë dhe Sigurinë BE-Shqipëri ka marrë vlerësim pozitiv nga Komisioni Europian. Gazetarja e ABC News në Bruksel Erisa Zykaj raporton se komisioni përgëzon autoritetet shqiptare për angazhimin e tyre dhe progresin e qëndrueshëm të arritur në fushën e sundimit të ligjit, veçanërisht në fushën e reformës së drejtësi dhe procesit të Vettingut. Ekzekutivi europian konsideron, se reforma në drejtësi dhe Vettingu ka hedhur themelet për të konsoliduar një gjyqësor të vërtetë, të pavarur, të paanshëm, profesional dhe të përgjegjshëm.

Por në konkluzione kërkohet qartazi konsolidimi i mëtejshëm i sistemit përmes luftës kundër korrupsionit në të gjitha nivelet dhe në luftën kundër krimit të organizuar. Komisioni Europian njeh rezultatet e prekshme të arritura në kultivimin dhe trafikimin e kanabisit dhe thekson rëndësinë e finalizimit të themelimit të Prokurorisë Speciale kundër korrupsionit dhe krimit të organizuar (SPAK). Në konkluzione nënvizohet, se është kyçe që operacionet e suksesshme të policisë të ndiqen nga hetime, aktakuza dhe dënimet përfundimtare.

Edhe pse në 2018  kërkesat e pabazuara të azilit të  shtetasve shqiptarë në vendet anëtare të BE kanë shënuar rënie krahasuar me 2017, kërkohet vazhdimi i përpjekjeve konkrete për të adresuar këtë fenomen, si dhe zbatimin e rekomandimeve të raportit të Monyevit mbi financimin e pastrimit të parave  dhe luftës kundër-terrorizmit.

ABC News ka mësuar se ende nuk ka një akt nga Hollanda pranë Komisionit Europian për vendimin e parlamentit të saj një javë më herët për rivendosjen e vizave për Shqipërinë. /abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono