Vlerësim pozitiv për ekonominë shqiptare, Moody’s dhe S & P japin serish B+

16:00 | 03/08/201916:000

Ekonomia shqiptare vlerësohet e qëndrueshme dhe ruan sërish vlerësimin B+, si në periudhën e mëparshme. Agjencitë ndërkombëtarë Moodys dhe Standard & Poor’s vlerësojnë rritjen ekonomike, si dhe uljen e borxhit, ndërsa presin ndikim më të fortë në ekonomi nga efektet e reformës në drejtësi.

Këtë të shtunë dy agjencitë ndërkombëtare të vlerësimit ekonomik, Moody’s dhe Standard & Poor’s e klasifikuan me B+ për Shqipërinë, vlerësim i cili është i njëjtë me më parë.

Agjencitë kanë marrë në konsideratë rritjen e qëndrueshme ekonomike si dhe uljen e borxhit publik dhe deficitit.

Edhe pse e frenuar së fundmi, rritja ekonomike nuk ka ndalur, por agjencitë e vlerësimit shikojnë si rreziqe të rritjes së mëtejshme ekonomike të Shqipërisë, luhatjet klimatike.

Në njoftimin e saj për këtë vlerësim, Ministria e Financave thotë se, pavarësisht se situata e fundit politike identifikohet si një rrezik për perspektivën ekonomike dhe për ritmin e implementimit të reformave strukturore, qeveria shqiptare do të vijojë me agjendën e reformave në afatin e mesëm, në linjë me aspiratat për integrimin në BE.

Agjencitë parashikojnë vazhdimin e konsolidimit fiskal dhe vijimësinë e uljes së borxhit publik, në përputhje edhe me rregullin fiskal, si dhe vlerësojnë pozitive përpjekjet e autoriteteve për të përmirësuar administrimin e të ardhurave.

Vlerësohet se cilësia e institucioneve shqiptare është përmirësuar në vazhdën e rrugëtimit drejt BE, gjë e cila mbështet perspektivën pozitive të rritjes afatmesme. Progres i dukshëm është bërë në reformën në drejtësi, e cila po vijon, si dhe në luftën kundër ekonomisë informale, korrupsionit dhe krimit të organizuar,-thuhet në raport./ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono