VIDEO | Vendosin Martinez dhe Lukaku, Sassuolos nuk i mjaftojnë 3 gola
Goli i parë i Lukakut kundër Sassuolos

14:27 | 20/10/201914:270

Ndeshje emocionuese dhe plot gola në “Mapei Stadium”. Sassuolo dhe Interi zhvilluan një takim të bukur, por në fund festuan miqtë. Tifozët e pranishëm shijuan plot 7 gola.

Lautaro Martinez zhbllokoi shumë shpejt ndeshjen. Sulmuesi argjentinas shënoi një gol të bukur me një goditje të saktë nga jashtë zonës. Ishte minuta e dytë, por vendasit nuk u demoralizuan. Domenico Berardi, i cili i ka “gjah të preferuar” zikaltrit, barazoi ndeshjen pas 14 minutash.

Diagonalja e sulmuesit të Sassuolos përfundoi në rrjetë dhe dedikimi ishte për Giorgio Squinzin, ish-presidentin e Sassuolos, i cili u nda nga jeta disa ditë më parë.

Martinez gjeti përsëri golin, por VAR-i e anuloi për një faull të Lukakut. Teknologjia nuk kishte çfarë të bënte në minutën e 38-të. Romelu Lukaku riktheu zikaltrit në avantazh, ndërsa në minutën e fundit të pjesës së parë u tregua i saktë nga pika e penalltisë.

Pjesa e parë përfundoi 1-3 për ekipin e Contes. E dyta nisi qetë, ndërsa Interi shënoi sërish. Tjetër penallti për miqtë dhe përpara portierit vendas u vendos Martinez. Sulmuesi nuk gaboi dhe gjeti golin e dytë personal.

U duk se ndeshja nuk kishte më histori, por Sassuolo e rihapi atë. Djuricic dhe Boga shënuan dy gola dhe në stadium u rikthye shpresa e barazimit. Diçka e tillë nuk ndodhi Interi arriti të ruajë avantazhin, duke siguruar një fitore të rëndësishme.

23 pikë dhe vendi i dytë për ekipin e Contes, vetëm një më pak se kryesuesit e Juventusit, ndërsa Sassuolo mbetet në kuotën e 6 pikëve. /abcnews.al

Sassuolo – Inter 3-4
(Berardi 16′, Djuricic 74′, Boga 82′ / Martinez 2′, (pen) 71′, Lukaku 38′, (pen) 45′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono