Video, Saimir Tahiri në Gjykatën e Krimeve të Rënda

11:49 | 15/05/201811:490

Saimir Tahiri ndodhet në Gjykatën e Krimeve të Rënda, për verifikimin e masës së sigurisë “arrest shtëpie”, të vendosur të shtunën për të. Ish-ministri i Brendshëm ka mbërritur në gjykatë rreth orës 11.00, i shoqëruar nga policia që e ka marrë në banesën e tij në lagjen “Kodra e Diellit”. Tahiri nuk ka dalë nga dera kryesore e pallatit ku e kanë pritur edhe mediat, por ka dalë nga garazhi, ku e priste makina e policisë.

Edhe në Gjykatën e Krimeve të Rënda, Saimir Tahiri ka hyrë nga hyrja e pasme, ndërsa para tij në gjykatë kishte mbërritur avokati i tij, Maks Haxhia.
Gjatë seancës që po vijon ende, prokurori Besim Hajdarmataj mësohet të jetë shprehur se organi i akuzës ka dyshime të bazuara në prova se Habilajt janë ndihmuar nga Tahiri në trafik narkotikësh. Ndërsa avokati i Tahirit, Maks Haxhia, e cilësoi vendim të pabazuar masën e sigurisë arrest shtëpie, pasi sipas tij, nuk ekziston nevoja e sigurimit.
Masa e sigurisë “Arrest shtëpie” është vendosur të shtunën për Saimir Tahirin nga gjyqtarja Liliana Baku. Ndërsa prokuroria kishte kërkuar “arrest në burg”.
Kjo masë, sipas burimeve të ABC News nga organi i akuzës, është caktuar, bazuar në disa prova të reja të siguruara nga përgjigjet e letërporosive të dërguara nga autoritetet e drejtësisë në Itali dhe Greqi.
Por avokati i Tahirit pritet ta ankimojë në Apel vendimin e Gjykatës së Shkallës së Parë për Krime të Rënda që e ka lënë që prej së shtunës pasdite në “arrest shtëpie”.

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono