VIDEO | Perla e Barellës përmbys Veronën, Interi ngjitet në krye

19:55 | 09/11/201919:550

Fitore e vështirë por emocionuese për Interin. Zikaltrit përmbysën disavantazhin e pjesës së parë kundër Veronës dhe arritën të sigurojnë tre pikë të rëndësishme për objektivin titull.

Miqtë zhbllokuan ndeshjen me anë të Valerio Verre në minutën e 19-të. Zaccagni “vodhi” një penallti dhe Verre nuk gaboi përballë Handanovic. Rrahmani me shokë rezistuan në pjesën e parë, por nuk ia dolën të frenonin Interin në 45 minutat e dyta.

Matias Vecino rindezi shpresat e përmbysjes në minutën e 65-të. Mesfushori latin goditi bukur me kokë pas një krosimi të Lazaros dhe barazoi sfidën. Conte urdhëroi lojtarët të hidheshin në sulm dhe goli i fitores erdhi 7 minuta nga fundi.

Nicolo Barella lëshoi një goditje fantastike drejt portës dhe dërgoi tifozët në ekstazë. Kohë nuk pati më Veronën për të reaguar, ndërsa Interi renditet përkohësisht i pari në Serie A me 31 pikë të mbledhura në 12 javë kampionat. /abcnews.al

Inter – Verona 2-1
(Vecino 65′, Barella 83′ / Verre (pen) 19′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono