VIDEO | Pa trajner, pa ide! Arsenali në rënie të lirë, nuk fiton prej dy muajsh

23:08 | 05/12/201923:080

Shkarkimi i Unai Emery dhe ndryshimi në stol nuk po sjellin asnjë efekt pozitiv tek Arsenali. Freddie Ljungberg debutoi me barazim në ndeshjen e parë, teksa sot u befasua në shtëpi nga Brighton. 1-2 fituan miqtë, të cilët vinin nga 3 humbje rresht.

Mbrojtësi Webster zhbllokoi shifrat 9 minuta përpara fundit të pjesës së parë. Përgjumje e mbrojtjes së Arsenalit dhe Brighton kaloi në avantazh. Pjesa e dytë nisi mirë për vendasit dhe barazimi nuk vonoi. Francezi Lacazette përfitoi nga një goditje këndi dhe dërgoi topin në rrjetë. U krijua iluzioni se do të ndodhte përmbysja, por Brighton gjeti një tjetër gol me anë të Maupay.

Sulmues francez devijoi bukur me kokë dhe i dhuroi fitoren e rëndësishme ekipit të tij. Krizë totale tek Arsenali. Ekipi londinez renditet në vend të dhjetë, nuk fiton në kampionat prej shtatë ndeshjesh, teksa suksesin e fundit e ka arritur kundër Bouremouth me 6 tetor. Ndeshja tjetër e mbrëmjes midis Sheffield United dhe Newcastle u mbyll me fitoren 0-2 të miqve. /abcnews.al

Arsenal – Brighton 1-2
(Lacazette 50′ / Webster 36′, Maupay 80′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono