VIDEO/ Hygor çmend shkodranët me eurogol, Flamurtari “pikiatë”

15:52 | 21/01/202015:520

Vllaznia ka bërë detyrën me Flamurtarin, duke fituar me rezultatin e pastër 2-0. Një ndeshje e dominuar në total, por pa shumë raste të rrezikshme. Gjithçka u zhbllokua pas një penalltie, për një faull të Muçollarit në dëm të Malotës.

Kapiteni Gilman Lika shënoi dhe e çoi Vllazninë në dhomat e zhveshjes të qetë. Nuk duhet lënë pa përmendur edhe rrezikshmëria e vlonjatëve në kundërsulmet e tyre. Gjithsesi vlonjatët nuk ia dolën të shënojnë dot.

Edhe pjesa e dytë pati të njëjtën tablo, me shkodranët që komandojnë dhe kërkojnë golin e qetësisë. Trajneri Jonuz nuk u kursye dhe bëri disa zëvendësime dhe nga stoli i erdhi goli i qetësisë, madje në mënyrë spektakolare.

Hygor, me një lëvizje akrobatike mposhti portierin Moçka për të dytën herë dhe e qetësoi Vllazninë, që mori tre pikë të arta dhe pret që skuadrat që luftojnë për Europën të gabojnë dhe diferenca me to të zvogëlohet. Sa i takon Flamurtarit, mbetet në vendin e fundit me vetëm 6 pikë.

VLLAZNIA-FLAMURTARI 2-0
Shënues: Lika 38′ pen., Hygor 83′

Formacioni i Vllaznisë: Sherri, Gligorov, Shehi, Malota, Marku, Gurishta, Ramadani (Adili 65′), Bardulla (Hygor 58′), Lika, Shtubina, Hristov (Zogaj 70′). Trajner: Mirsad Jonuz

Formacioni i Flamurtarit: Moçka, Gocaj, Pjeshka, Muçollari (Gjipali 86′), Haruni (Elmazaj 86′),  Rrapaj (Llapi 69′), Vrapi, K. Nebihu, Kreshpa , Hoxhaj, Ribaj. Trajner: Dritan Resuli

Kartonë të verdhë: Shehi 41′, Malota 72’/ Pjeshka 62’/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono