VIDEO/ E lavdëroi Rama live: Kush është Luani nga Vlora, me ekipin e tij shpëtuan shumë jetë

15:35 | 03/12/201915:350

Gjatë një prej daljeve të tij publike mbrëmjen e djeshme, kryeministri Rama tha se pavarësisht mungesave të logjistikë, ekipet shqiptarë të shpëtimit kanë bërë një punë të shkëlqyer, ashtu si edhe të huajt.

Rama tha se ekipet shqiptare shpëtuan 38 jetë njerëzish nga rrënojat.

“Ne kemi mangësitë tona, por asnjë nga këto nuk na pengoi që të shpëtonim jetë njerëzish. Ekipet e huaja kanë bërë mrekulli, por heroi i herojve është Luani nga Vlora që ka shpëtuar dy jetë njerëzish në kushte të paimagjinueshme. Shefi i ekipit francez më tha se mënyra se u shpëtuan ato dy jetë njerëzish janë raste studimore”, u shpreh Rama.

Por, kush është Luani që përmend Rama?

Abcneës.al mëson se bëhet fjalë për shefin e zjarrfikësve të Vlorës, Luan Kapaj, i cili me ekipin e tij ishte i angazhuar gjatë ditëve të krizës së tërmetit në Durrës.

Ekipi i tij shpëtoi disa jetë njerëzish, ku vlen të theksohet ndërhyrja tek një pallat gjashtë katësh në Durrës, të cilit i ishin rrafshuar dy katet e poshtme.

Zjarrfikësit u futën nën rrënoja edhe pse sipër kishte një mal betoni që i rrezikonte jetën. Nëse godina do të binte, vdekja ishte e sigurt, por ata nuk e morën parasysh.

Në këtë ndërhyrje ata kanë shpëtuar dy persona të ngecur nën rrënoja. Kapaj u be i njohur për shqiptarët teksa refuzoi të qendronte i shtrirë në ambulancë edhe pse mjekët i thanë se duhej të qetësohej.

Ai u ngrit dhe shkoi sërish në rrënoja për të shpëtuar jetë.

Tërmeti i 26 nëntorit shkaktoi 51 të vdekur dhe më shumë se 1 000 të lënduar, ndërkohë që dëmet materiale janë ende të pallogaritura, por fatura pritet të jetë e lartë.  /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono