VIDEO | Dortmund “merr me shpulla” Koln-in, Haaland përbindësh

22:55 | 24/01/202022:550

Borussia Dortmund shënon sërish pesë gola dhe merr trepikëshin e radhës në kampionat. Verdhezinjtë shkatërruan në shtëpi Koln me rezultatin 5-1, duke konfirmuar formën e mirë që po kalojnë në sulm.

Vendasve iu mjaftuan 51 sekonda për të zhbllokuar ndeshjen. Raphael Guerreiro dërgoi topin në rrjetë pas asistit të Sanchos (i 11-ti në kampionat për talentin anglez). Dyfishimi erdhi pas gjysmë ore lojë, teksa kapiteni Reus mori një pasim të gjatë nga Hummels dhe shënoi.

Edhe pjesa e dytë nisi me vrullin e Dortmund, që trefishoi me anë të Sanchos. Miqtë gjetën golin e nderit me anë të Uth dhe më pas nisi spektakli i Erling Haaland.

Bomberi norvegjez u hodh në fushë në minutën e 65-të në vend të Thorgan Hazard dhe ia doli të shënonte dy gola. I dyti ishte shumë i bukur, teksa 19-vjeçari është ngjitur në kuotën e pesë golave me ekipin e ri. Haaland është aktivizuar 59 minuta dhe ka shënuar 5 herë në po kaq goditje drejt portës gjatë këtij minutazhi. /abcnews.al

Dortmund – Koln 5-1
(Guerreiro 1′, Reus 29′, Sancho 48′, Haaland 77′, 87′ / Uth 65′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono