Video/Aksident në tunelin e Krrabës, vdes 55-vjeçarja

09:15 | 16/04/2018

Një person humbi jetën dhe një tjetër u plagos rëndë në një aksident në dalje të tunelit në drejtim Elbasan-Tiranë. Nga aksidenti ka humbur jetën gruaja, kurse i plagosur rëndë në spital ndodhet burri, i cili po drejtonte makinën.

Sapo lanë pas tunelin e Krrabës dhe morën drejtimin për në Tiranë, makina me të cilën po udhëtonin burrë e grua, doli nga rruga dhe përfundoi më tepër se 15 metra poshtë në humnerë.

Gruaja 55 vjeçe Xh,. G humbi jetën dy orë më pas në spital, kurse bashkëshorti i saj, i cili ishte edhe drejtuesi i mjetit, ndodhet nën mjekim intensiv në spitalin e Traumës në Tiranë.

Aksidenti ndodhi në rrugën e vjetër Elbasan – Tiranë, aty ku është devijuar qarkullimi për shkak punimeve në autostradë.

Ishin udhëtarët e tjerë, ata që njoftuan policinë, e cila mundi t’i nxjerrë burrë e grua në kohë, por pa mundur t’i shpëtojë jetën njërit.

Dyshohet që makina është futur me shpejtësi në kthesë, e njohur si nga më të rrezikshmet përgjatë segmentit.

Madje barrierat mbrojtese ishin shkatërruar më parë, pasi aty, të tjera mjete kanë përfunduar poshtë në humnerë.

E njohur si kthesa pranë kafes së Kiut, ka vite që merr jetë njerëzish, megjithatë së fundmi, kjo rrugë u bë sërish mundësia e vetme e lidhjes së juglindjes me Tiranën. Punimet për përfundimin e autostradës Tiranë-Elbasan nuk dihen. /abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono