Vettingu, policët në Tiranë dorëzojnë formularët e vetëdeklarimit

15:29 | 01/05/2018

Rreth 65 % e efektivëve të policisë së kryeqytetit kanë dorëzuar formularët e vetëdeklarimit për procesin e Vettingut. Afati për këtë dorëzim përfundon të hënën e ardhshme. Ndërkohë mbi 100 efektivë në Tiranë kanë dhënë dorëheqjen nga policia.

Edhe pse data 1 Maj është pushim zyrtar për të gjithë administratën shtetërore nuk mund të thuhet e njëjta gjë për efektivët e policisë së Tiranës, të cilët nxitojnë për të dorëzuar formularët e vetëdeklarimit i njohur ndryshe si ligji i Vetting-ut.

ABC News bëri një vezhgim pranë drejtorisë juridike, ku edhe dorëzohen formularët dhe sic shihet numri i tyre është  lartë.

Në drejtorinë vendore të policisë së Tiranës deri tani kanë dorëzuar formularët e vetëdeklarimit 65 për qind e punonjësve të policisë, pohojnë burime nga Policia e Shtetit. Ndërkohë sindikata e Punonjësve të Policisë thekson se, mbi një 100 efektive të kryeqytetit janë larguar duke mos pranuar t’i nënshtrohen procesit të Vettingut.

Për ministrin e Brendshëm, Fatmir Xhafaj, Vettingu në radhët e policisë do të rrisë edhe besimin tek uniformat blu.

Fatmir Xhafaj: “Ne e kemi ndërtuar këtë proces që të jetë një proces sa më i lehtë dhe i mbështetur nga pikëpamja trajnimi dhe asistencës. E dyta, sepse ne e kemi lehtësuar nga të gjitha llojet e detyrimeve, që kanë për të mbledhur dokumente pa fund. Këto agjenci të rëndësishme ligjzbatuese siç janë, policia, prokuroria dhe gjykata që jep drejtësi ka për t’u dhënë ndëshkimin e duhur pastaj zyrtarëve që kanë abuzuar me pushtetin apo siç i quani ndryshe ju, apo siç quhet ndryshe me të drejtë, peshqve të mëdhenj”.

Në të 12 drejtoritë vendore të policisë me rreth 13 mijë efektive, kanë dorëzuar formularët e vetëdeklarimit mbi 70 për qind e punonjësve. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono