Veri-Jug, rinis bashkimi i familjeve koreane të ndara nga lufta

22:30 | 22/06/201822:300

Familjet  koreane të ndara nga lufta e viteve ‘50 do të mund të ribashkohen në fund të gushtit, ne kuader te një marrëveshjeje mes Veriut dhe Jugut.  Por që nga lufta e deri më sot, pak persona kanë mbetur gjallë për të përfituar nga pakti mes Seulit dhe Penianit.

Korea e Veriut dhe ajo e Jugut kanë rënë dakord të fillojnë sërish ribashkimet e familjeve të ndara nga lufta koreane, që shënoi dhe ndarjen e kufirit mes dy vendeve. Miliona koreanë u ndanë nga të dashurit e tyre si pasojë e konfliktit të viteve 1950-1953 dhe shumë prej tyre ndërruan jetë para se të mund të takoheshin sërish.

Ribashkimi, që pritet të realizohet në Gusht, do të jetë i pari që prej tetorit 2015 dhe vjen në një kohë, kur marrëdhëniet mes dy Koreve kanë ndryshuar. Për rifillimin e këtij procesi Seuli dhe Peniani ranë dakord në samitin e Prillit. Atëherë, delegatë nga të dyja palët u takuan në një lokalitet malor të Veriut dhe caktuan fundin e gushtit për ribashkimin.

Në një deklaratë të përbashkët për shtyp saktësohet se periudha e zgjedhur është ajo nga data 20 deri më 26 gusht dhe pritet që nga të dyja palët të jenë rreth 200 persona. Ata do të mund të qëndrojnë me njerëzit e tyre për tre ditë, para se të kthehen në anët përkatëse të kufirit. Por koreanët e mbetur gjallë që nga fundi i konfliktit janë vetëm një fraksion i vogël i totalit prej 57 mijë personash të regjistruar në Kryqin e Kuq koreanojugor si të ndarë nga lufta./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono