Vendimi për Rektorin e UT, Shahini: E zhgënjyer nga Presidenti

16:41 | 07/05/2019

Ministrja e Arsimit, Besa Shahini, zgjodhi të reagojë me anë të rrjeteve sociale pasi Presidenti i Republikës, Ilir Meta, rrëzoi kërkesën e saj për shkarkimin e Rektorit Mynyr Koni.

“Jam e zhgënjyer me vendimin e Presidentit të Republikës për të refuzuar shkarkimin e Rektorit Koni”.

Kështu e nis ministrja postimin e saj në Facebook ku thotë se është e pakonceptueshme që institucionet e larta të shtetit të marrin vendime që janë në dëm të interesit publik.

Sipas Shahinit, dekreti i djeshëm i Presidenti dëmton studentët dhe pedagogët e Universitetit të Tiranës. Ministrja shprehet se pas pezullimit të Rektorit u zgjidhën disa çështje të cilat Koni refuzonte t’i adresonte dhe që ishin kthyer në pengesa për funksionimin e fakultetit.

Presidenti i Republikës refuzoi shkarkimin e Rektorit Mynyr Koni të hënën. Ai vlerësoi se në kushtet aktuale, bazuar në propozimin e bërë, marrja e një vendimi për shkarkimin e Rektorit të Universitetit të Tiranës, do të cenonte rëndë dhe, në tërësi, autonominë e institucioneve të arsimit të lartë dhe lirinë akademike të vendosur dhe të mbrojtur nga Kushtetuta, por dhe nga jurisprudenca e Gjykatës Kushtetuese.

Sipas tij, ushtrimi i kompetencave kontrolluese nga Ministri i Arsimit në këtë rast për gjithë sa u parashtrua më sipër nuk është kryer në mënyrë objektive, shteruese, proporcionale dhe transparente./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono