Veliaj: Teatri Kombëtar do të shembet sapo kontrata e re të shkojë në Parlament

14:06 | 23/01/202014:060

Shtatë ditë pasi mori letrën e “Europa Nostras” kryebashkiaku i Tiranës Erion Veliaj tregon se nuk do të tërhiqet nga plani për të shembur  teatrin e vjetër kombëtar dhe ndërtuar një teatër të ri.  Kjo do të ndodhë  bëri të ditur kryetari i bashkisë sapo të përfundojnë të gjitha procedurat.

“Sapo të ketë shkuar në Parlament kontrata e re, të jepet leja për teatrin e ri dhe në do të kemi teatrin më të bukur në rajon. E mertion Tirana që të mos shkojë në teatër me batanije. Ata që po lodhen aty, për mua rrini sa të doni, por do të njoftohen që do të fillojë ndërtimi i teatrit të ri”, tha Veliaj.

Kryebashkiaku i Tiranës këtë e deklaroi ndërsa çelte konkursin ndërkombëtar për një tjetër godinë në Bulevardin e Ri. Atë të bashkisë së kryeqytetit e cila sipas Veliajt do ti hapë rrugë ndërtimeve në veri të Tiranës.

“Jemi në një bulevard i cili duhet të markohet me institucinet publike përpara se të zgjohet interesi i privatit. Kërkesat më të mëdha janë kryesisht të sektorit financë dhe teknologji, por ka edhe kërkesa për hotele”, tha Veliaj.

Por çfarë do të ndodhë me godinën e ekzistuese të bashkisë?

“Do të vahdojë të jetë selia e kryetarit të bashkisë, kushdo qoftë ai”, tha Veliaj

Ndërkohë ai tregoi se ku do të ndërtohen lagjet e reja të planifikuara pas tërmetit të 26 nëntorit të vitit të shkuar. Bashkia ka identifikuar pesë zona.

“Kemi identifikuar hapësirën Vaqarr, hapërsirën e re në Pezë, Ndroq, Zallherr dhe Baldushk”, tha më tej Veliaj.

Ndërsa godina e Bashkisë së Tiranës duhet të jetë 100% e ekologjike dhe të ketë hapësirë për 1200 vende pune.  Kompanitë që dëshirojnë të garojnë për ndërtimin e saj duhet të aplikojnë deri më 5 shkurt dhe brenda marsit duhet të paraqesin projektet e tyre./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono