Veliaj takon Presidentin e Venetos, që shpëtoi shqiptarin në 2006


20:29 | 16/04/2018

Kryebashkiaku Erion Veliaj po zhvillon një vizitë në Itali, ku është pritur në një takim të veçantë edhe nga Presidenti i Rajonit Veneto, z. Luca Zaia.
Luca Zaia në vitin 1993 u zgjodh në listat e Lega Nord-Liga Veneta, këshilltar i qytetit Godena di Sant’Urbano (në provincën e Trevisos). Në vitin 1995 iu bashkua këshillit provincial të Trevisos, duke mbajtur postin e këshilltarit për bujqësi. Nga qershori 1998 në prillit 2005 ai ka qenë President i Provincës së Trevisos, duke rezultuar në momentin e emërimit në moshën 30 vjeçare, Presidenti më i ri i Provincës së Italisë. Në mars të vitit 2015, Këshilli Federal i Lega Nord votoi në favor të riemërimit të tij për presidencën e Rajonit Veneto në zgjedhjet rajonale të vitit 2015.

Presidenti i Venetos është një nga më popullorët në Itali, madje mjaft i dashur edhe për shqiptarët. Ai ka një histori fantastike ku në vitin 2006 ka shpëtuar një shqiptar që rrezikonte të vdiste nga zjarri.

Teksa u përshi në një aksident me makinë, shqiptari u bllokua në makinën e tij, ndërkohë që depozita po rridhte karburant. Por ndërhyrja e menjëhershme e Luca Zaias, bëri që ai të shpëtonte. Zaia do të ndihmonte për shuarjen e flakëve si dhe për shkëputjen e telave të baterisë nga makina.

“Ishte një punëtor shqiptar – do të shprehej Zaia në atë kohë,- duke pasur parasysh ato flakë, mendoja se mund të përfundonte shumë më keq”. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono