Vdekja e të miturit shqiptar, dorëhiqet ministri i Drejtësisë

22:09 | 20/03/201822:090

Ministri maqedonas i Drejtësisë ka dhënë dorëheqjen pas vendimit të gjykatës që la të lirë autorin e aksidentit rrugor që i mori jetën një 4-vjeçari shqiptar.

Ministri i Drejtësisë në Maqedoni, Bilen Saliji ka dhënë këtë të martë dorëheqjen nga detyra, pas vendimit të gjykatës për shfajësimin e autorit të një aksidenti që i mori jetën një të mituri shqiptar. Vendimin e tij, Saliji e ka bërë të ditur në një konferencë për shtyp, ku ka nënvizuar se dorëheqja është një akt moral. 4-vjeçari Almir Aliu humbi jetën në një aksident 2 vjet më parë dhe autori Boban Iliç u la i lirë nga gjykata, që anuloi akuzën e vrasjes.

Unë, si njeriu i parë i drejtësisë në ekzekutiv ndjej obligim moral të jap dorëheqjen si akt që shpresoj do të jetë sensibilizues edhe më i madh për vemndjen e institucioneve dhe shoqërisë në gjyqësor”.

Në fjalën e tij, Saliji ka thënë se rasti në fjalë ka lëkundur përkushtimin e tij për reformën në gjyqësor. Ai ka theksuar se, që nga marrja e detyrës është fokusuar në realizimin e pikave kyçe të saj, veprimtari që sipas tij është reflektuar në rastin e proceseve “Sopoti” dhe “Monstra”./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono