Vdekja e Enea Ftoit, prokuroria refuzon riekspertim të organeve

14:20 | 16/07/2018

Nuk do të ketë një ekspertizë të dytë për vdekjen e 27-vjeçarit Enea Ftoi, i cili vdiq në ambientet e komisariatit të policisë së Korçës. Prokuroria nuk ka pranuar me arsyetimin se nuk ka gjetur shkak të ligjshëm, që ekspertimi të përsëritet. 

Prokuroria e Korçë refuzoi riekspertimin e organeve të 27-vjeçarit Enea Ftoi, i cili humbi jetën brenda në ambientet e komisariatit të policisë.

Riekspertimi i organeve u kërkua nga avokatët e familjarëve. Ata nuk kishin pranuar ekspertizën mjeko-ligjore, sipas së cilës Enea Ftoi kishte vdekur për shkaqe natyrore, duke kërkuar një tjetër ekspertim, nga tjetër grup.

Pas përgjigjes së prokurorise reagojnë prindërit e Enea Ftoit që thane se nuk e kuptojnë pse prokuroria nuk ka pranuar riekspertimin e organeve. Sipas tyre po mundohen të fshehin të vërtetën për vdekjen e Enea Ftoit.

“Kemi prova që Enea është dhunuar nga policia në ambientet e Komisariatit të Korçës. Kemi video dhe foto, që provojnë dhunën e policisë. Në rrobat e Eneas tek atletet kemi gjetur gjurmë gjaku. Kërkojmë ekspertë të huaj. Jemi të bindur që Enea ka vdekur nga dhuna. Do ta kërkojmë të vërtetën deri në Gjykatën e Strazburgut“.

Burime nga prokuroria thanë për ABC News se kërkesa e avokatëve për riekspertim të organeve të Enea Ftoit nuk është pranuar, pasi akuza nuk ka gjetur shkak të ligjshëm, që ekspertimi të përsëritet. Sipas prokurorisë, ekspertiza mjeko-ligjore nuk e cënon ecurinë e hetimeve për vdekjen e Enea Ftoit, për të cilën janë vënë nën akuzën e mosdhënies së ndihmës tre efektivë të Komisariatit të Korçës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono