Vajza e mafiozit Toto Rina hap restorantin “Corleone” në Paris

14:45 | 09/01/201914:450

Vajza e Toto Rinës, mafiozit të Koza Nostrës, ka hapur në Paris restorantin e saj “Korleone”. Në reklamimin e tij ajo premton se menuja do të jetë origjinale siciliane. Lucia Rina është vajza më e vogël e mafiozit i cili ndërroi jetë në burg.

Rinis nga Parisi jeta e re e Lucia Rinas 39 vjeç, vajza më e vogël e bosit të Koza Nostrës i njohur si Toto, i cili ndërroi jetë në burg në nëntor të 2017-ës. Me anë të një publikimi në Facebook Lucia tregon se ka hapur restorantin e saj “Korleone nga Lucia Riina” dhe se tashmë do të jetojë në kryeqytetin francez me bashkëshortin e saj dhe vajzën e vogël.

Restoranti premton një kuzhinë origjinale siçiliane dhe një ambient elegant dhe mikpritës në një nga rrugët kryesore të Parisit, jo shumë larg Harkut të Triumfit.

Vajza më e vogël e mafiozit, u vu në dijeni për krimet e babait të saj vetëm pas arrestimit të tij në janar të 1993-shit, prej kohësh dëshironte të largohej nga Korleone pasi ndihej e diskriminuar dhe nuk kishte të ardhura të mjaftueshme. Pas lindjes së vajzës ajo refuzoi të merrte bonusin që ofron shteti, duke i kërkuar presidentit të vendit që të hiqte shtetësinë italiane për të, bashkëshortin dhe vajzën e saj. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono