Udhëheqësi suprem i Iranit mbështet rritjen e çmimit të benzinës, protestat kundër shkaktojnë një viktimë

11:13 | 17/11/201911:130

Udhëheqësi suprem i Iranit Ayatollah Ali Khamenei mbështeti të dielën rritjen e çmimit të benzinës që ka ngjallur protesta në të gjithë vendin, duke fajësuar kundërshtarët e Republikës Islamike dhe armiqtë e huaj për “sabotim”, njoftoi televizioni shtetëror.

“Disa njerëz pa dyshim janë të shqetësuar nga ky vendim … por sabotimi dhe zjarrvënia bëhet nga huliganët dhe jo njerëzit tanë. Kundër-revolucioni dhe armiqtë e Iranit gjithmonë kanë mbështetur sabotazhin dhe shkeljet e sigurisë dhe vazhdojnë ta bëjnë këtë”, tha Ayatollah Khamenei , sipastelevizionit  shtetëror. Khamenei tha se rritja e çmimeve të benzinës bazohej në mendimin e ekspertëve dhe duhet të mbështetej, shtoi televizioni.

Protestuesit e zemëruar nga rritja e çmimit të benzinës me 50 përqind, rritje e vendosur nga qeveria, bllokuan trafikun në qytetet e mëdha dhe herë pas here u përplasën me policinë të shtunën pas një nate demonstrimesh dhe të shtëna që shkaktuar të paktën një viktimë. Protestat shtuan presionin ndaj qeverisë së Iranit që po përpiqet të kapërcejë sanksionet e Shteteve të Bashkuara pasi Presidenti Donald Trump tërhoqi në mënyrë të njëanshme Shtetet e Bashkuara nga marrëveshja bërthamore e Teheranit me fuqitë botërore.

Megjithëse kryesisht paqësore, demonstratat u shndërruan në dhunë në disa raste, me video në internet që tregonin oficerët e policisë që hidhnin gaz lotsjellës kundër protestuesve dhe turmat që vinin zjarre. Ndërkohë që përfaqëson një rrezik politik për Presidentin Hassan Rouhani përpara zgjedhjeve parlamentare të shkurtit, ai tregon gjithashtu zemërimin e përhapur midis 80 milion njerëzve të Iranit që kanë parë kursimet e tyre të avullojnë mes punëve të pakta dhe kolapsit të monedhës kombëtare./abcnews.al

 


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono