“U vdiq në dorë dhe e groposën në Shijak”: Dinamika e pengmarrjes së bujshme të Jan Prengës

14:39 | 28/01/202014:390

12 ditë pasi u mor peng, Policia e Shtetit konfirmoi sot se Jan Prenga nuk jeton më, shkruan abcnews.al

49-vjeçari u mor peng më datë 17 janar në rrugën “London” në Kamzë. Pas futjes në makinë ai është rrahur, dhe goditur, ku si pasojë e goditjeve të marra në Kamzë dhe humbjes së gjakut, ka ndërruar jetë gjatë rrugës për ta transportuar për në resortin “Golden”, në Shijak,  aty ku do mbahej peng.

Po ashtu rezulton se autorët janë kujdesur për ta fshehur trupin e Prengës. Teksa familjarët kanë hapur dyert e mortit, ende nuk dihet ku fshihet trupi i 49-vjeçarit. Ndërkohë dyshimet janë se trupi mund të jetë groposur në Shijak.

Viktima, Jan Prenga

Prokuroria e ka të qartë tashmë se çfarë ka ndodhur me Prengën pasi ka ndaluar edhe katër persona.

Në pranga kanë rënë: Leonard Hajrin, Bujar Hajrin, Elton Hajrin dhe Olsi Turjen. Ata akuzohen për: “Fshehja ose asgjësimi i kufomës”, “Moskallëzimi i krimit”, “Veprime që pengojnë zbardhjen e të vërtetës”, të kryera në bashkëpunim dhe “Armëmbajtja pa leje.

Pse u rrëmbye Jan Prenga:

Sic është mësuar deri më tani nga grupi hetimor, Jan Prenga nuk kishte lidhje të drejpërdrejtë me autorët.

Ky rrëmbim ka ardhur si pasojë e një konflikti që një nga vëllezërit e viktimës ka pasur me organizatorët dhe rrëmbyesit, si pasojë e disa konflikteve kriminale në Britaninë e Madhe.

Dyshohet se vëllai i Jan Prengës nuk ka dorëzuar në destinacion një sasi të madhe kokaine për llogari të një grupi të strukturuar kriminal shqiptarësh me bazë në Angli, gjë e cila ka sjellë edhe ngjarjen e rëndë.

Dy vëllezërit e Jan Prengës jetojnë në Britaninë e Madhe, ku njëri është i dënuar me tetë vite burg.

Ndërkohë vetë Jan Prenga nuk ka patur precedentë të mëparshëm penalë. Duket se gjithçka ka ndodhur për hakmarrje, për shkak të konflikteve për pazare droge që kishin autorët me vëllain e viktimës./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono