U nxorri gishtin e mesit banorëve, Borchardt: Ju kërkoj ndjesë

13:33 | 14/10/201913:330

Ambasadori i OSBE-së, Bernd Borchardt ka reaguar pas gjestit të pahijshëm që bëri mbrëmjen e së dielës ndaj banorëve të Unazës së Re.

Ngjarja ndodhi teksa këta të fundit qëndronin përpara ambienteve të Drejtorisë së Policisë së Tiranës pas arrestimeve që u kryen në përfundim të protestës.

Ambasadori i OSBE-së u nxorri gishtin e mesit personave që ndodheshin aty.

“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”, thotë ambasadori Borchardt në rrjetet sociale.

Pas gjestit të ambasadorit, reagimi i përfaqësuesve të opozitës ishte i menjëhershëm. Në një lidhje direkte për Abc News, ish-deputeti Flamur Noka e konsideroi veprimin e ambasadorit të neveritshëm dhe të turpshëm.

Ndërkohë nga ana tjetër, kreu i grupit parlamentar socialist, Taulant Balla, i bëri thirrje PD-së që të ndërpresë sulmet ndaj ambasadorëve.

/abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono