U gëlltit nga balena, por doli sërish

13:30 | 12/03/2019

U gëlltit dhe pastaj u nxorr sërish nga goja e balenës. Është kjo historia e pabesueshme e fotografit 51-vjeçar, i apasionuar pas botës nënujore. Para mediave, ai deklaroi se nuk kishte pasur kohë të ndjente asnjë emocion.

Balena e gëlltiti dhe më pas e nxori sërish nga goja. Aventurën e pabesueshme e përjetoi Rainer Schimpf, në Afrikën e Jugut. 51-vjeçari, regjisor i videove nënujore, po eksploronte me disa miq të tij ujërat e oqeanit Indian. Objektivi i tij ishte që të ndiqte dhe të filmonte një koloni sardelesh. Në kërkim të fotografisë së përsosur, ai e pa veten në një sekondë brenda gojës së balenës.

Duke folur për gazetarët, ai u shpreh se nuk kishte pasur kohë të ndjente asnjë emocion, as frikë. Ai mbajti frymën i bindur se balena do të hidhte sërish jashtë. Edhe pse minimizon situatën, aftësia e tij e përqendrimit dhe njohuritë për oqeanin dhe specieve që jetojnë në të, i shpëtuan jetën. Ai rrëfen se kishte ndjerë një presion të madh kur balena e kuptoi se kishte gabuar ushqim.

Bashkëshortja e tij ka parë të gjithë skenën nga një anije e vogël. Ajo lloj balene është 11 metra e gjatë dhe ushqehet zakonisht me specie të vogla, por jo me njerëz./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono