Turqi, deputetët aprovojne ligjin elektoral/Opozita sherr në Kuvend


10:53 | 13/03/2018

Kuvendi i Turqisë miratoi një ligj të ri electoral. Kjo shkaktoi zemërimin e opozitës që pretendon se ligji në fjalë lejon manipulimin e zgjedhjeve. Kundërshtimi i tyre arriti deri tek dhuna fizike.

Parlamenti i Turqisë aprovoi një ligj të ri për rregullorin elektoral, duke mbështetur ligjislacionin e kontestuar, për të cilin opozita thotë se i hap derën manipulimit dhe pengon paanshmërinë e zgjedhjeve të 2019-ës. Pasi zëvendëskryetarja e kuvendit, Aysenur Bahcekapili njoftoi rezultatin e votimit, një sherr masiv filloi brenda sallës mes ligjvënësve nacionalistë dhe atyre të opozitës. Disa deputetë u dhunuan me grushte dhe në pamje shikohen teksa ndjekin njëri-tjetrin.

Legjislacioni zyrtarisht lejon krijimin e aleancave elektorale, duke I hapur rrugën kështu një marrëveshje mes partisë qeveritare të presidentit Rexhep Tajip Erdogan dhe aleatëve nacionalistë. Miratimi i tij nuk ishte një surprizë pasi zotëronte mbështetjen e Partisë Drejtësi dhe Zhvillim “AKP” dhe Lëvizjes Nacionaliste “MHP”. Por nga ana tjetër, kritikët qeveritarë kanë dhënë alarmin për ligjin e ri.

Ai I jep autoritetet Bordit të Lartë Elektoral që të bashkojë distrikte elektorale dhe të lëvizë kutitë e votimit për të vende të tjera. Fletët e votimit do të jenë të vlefshme edhe pa vulën e bordit electoral lokal, duke zyrtarizuar në këtë mënyrë një vendim që në referendumin e vitit të kaluar shkaktoi një protestë të gjerë midis kritikëve të qeverisë dhe shqetësimit nga monitoruesit e zgjedhjeve. Gjithashtu ligji i ri lejon qëndrimin e forcave të sigurisë në qëndrat e votimit dhe numërimit. Deputetët opozitarë, përfshirë Partinë Republikane të Popullit pretendojnë se kjo masë do ta bëjë procesin e numërimit më pak transparent. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono