Tsipras takon Erdogan/ Dy presidentët, dakord për uljen e tensioneve në Egje


22:27 | 12/07/2018

Pavarësisht armiqësisë për një sërë çështjesh, kryeministri grek Aleksis Tsipras dhe presidenti turk Erdogan kanë rënë dakord për uljen e tensioneve në detin Egje, që pak muaj më parë rrezikuan të përshkallëzoheshin.

Greqia dhe Turqia kanë rënë dakord për të bashkëpunuar, me qëllim ulien e tensioneve në detin Egje. Lajmin e ka bërë të ditur kryeministri grek Aleksis Tsipras, i cili u takua me presidentin turk Erdogan në Bruksel, në kuadër të samitit të NATO-s. “Unë konsideroj presidentin turk përgjegjës për shkeljet territoriale në detin Egje, por më në fund kemi rënë dakord të shtojmë përpjekjet për uljen e tensioneve”, ka thënë Tsipras. Dy vendet, që janë anëtare të aleancës ushtarake, janë në konflikt për një sërë çështjesh, që nga Qiproja etnikisht i ndarë e deri tek sovraniteti i hapësirës ajrore. Nga ana e saj Ankaraja pretendon se avionët luftarakë turq kryejnë rregullisht patrullime në Egje, një e drejtë kjo për të mbrojtur sigurinë e kufijve. Por tensionet dhe retorika mes dy vendeve janë rritur ndjeshëm edhe për çështje të tjera. Dy ushtarë grekë të burgosur në Turqi dhe 8 ushtarë turq që kanë kërkuar azil në Greqi janë bërë shkak për një betejë verbale në muajt e fundit. “Takimi me Erdogan, që zgjati thuajse dy orë, nuk ishte ndër më të lehtët dhe natyrisht gjatë tij u prekën edhe rastet e ushtarëve”, ka thënë më tej Tsipras. Dy ushtarët grekë u arrestuan në mars për kalim të paligjshëm të kufirit dhe akuzohen për hyrje ilegale në Turqi. Ndërsa 8 ushtarët turq kërkuan azil në Greqi pasi u akuzuan për përfshirje në grushtin e shtetit të vitit 2016 kundër Erdogan. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono