Trump takon Stoltenberg: Gjermania kontrollohet nga Rusia


13:07 | 11/07/2018

Në një takim me Sekretarin e Përgjithshëm të NATO-s në Bruksel, presidenti amerikan, Donald Trump, ka lëshuar akuza të rënda ndaj Gjermanisë. Kreu i Shtëpisë së Bardhë tha se Gjermania kontrollohet nga Rusia.

Presidenti amerikan, Donald Trump, akuzoi aleatin e ngushtë të NATO-s, Gjermaninë, se varet nga Rusia pasi blen energji nga Moska.

Kreu i Shtëpisë së Bardhë ka dashur të dërgojë mesazhe të drejtëpërdrejta dhe të qarta se vijon qëndrimin e tij kundër qeverisë së Berlinit. Gjithashtu ka treguar se takimi me presidentin Vladimir Putin me 16 Korrik në Helsinki nuk do të jetë totalisht miqësor.

“Gjermania është peng i Rusisë. Është shumë e papërshtatshme”, tha Trump në një takim bilateral me Sekretarin e Përgjithshëm të NATO-s, Jens Stoltenberg, i pari i tij pas mbërritjes në kryeqytetin e Belgjikës.

Më tej, kreu i Shtëpisë së Bardhë vijon duke u ankuar se Shtetet e Bashkuar pritet “t’i mbrojnë ata kundër Rusisë, pavarësisht se Gjermania paguan miliarda dollarë fatura energjie ndaj Moskës”.

“Mendoj se është diçka të cilën NATO duhet ta shikojë”, thotë Trump.

Ndërsa Stoltenberg kundërshtoi komentet e presidentit amerikan duke nënvizuar se mund të ketë mendime të ndrushme në aleancë.

“Ne jemi më të fuqishëm të bashkuar dhe jo të përçarë”, shprehet Sekretari i Përgjithshëm.

Ndërsa Trump përsëri këmbënguli duke pyetur se si aleanca e NATO-s do të jetë më e fuqishme, kur Gjermania po e bën Rusinë më të pasur. Ndër të tjera, ai ripërsëriti kërkesën e tij që shtetet anëtare të aleancës së atlantikut që të paguajnë më shumë dhe të arrijnë objektivin e shpenzimit të 2% të buxhetit për mbrojtjen./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono