Trump sërish kundër deputeteve me ngjyrë

13:49 | 18/07/201913:490

 

Presidenti amerikan ka sulmuar sërish deputetet demokrate me ngjyrë këtë herë i mbështetur dhe nga turma gjatë një takimi elektoral në Karolinën e veriut. Trump gjithashtu deklaroi se procesi për shkarkimin e tij kishte dështuar përfundimisht.

Gjatë një takimi në Karolinën e Veriut, presidenti amerikan Donald Trump sulmoi sërish deputeten demokrate me origjinë somaleze Ilhan Omar, një nga katër parlamentaret progresiste me ngjyrë objekt i postimeve raciste në Twitter nga ana e kreut të shtëpisë së bardhë.

Turma e mbështetësve të tij në kor bërtiti: Ktheje andej nga ka ardhur duke përforcuar kërkesën e Trump i cili u kërkoi atyre të kthehen në vendet e origjinës. Trump gjithashtu e cilësoi si një fitore faktin që dhoma e përfaqësuesve votoi kundër rezolutës për shkarkimin e tij.

Por në takim kishte dhe nga ata që ishin kundër Trump me një grua e cili mbante në dorë një parullë ku shkruhej “përdhunues fëmijësh” me fotografinë e Trump dhe të Xhefri Epstein, miliarderin e arrestuar për trafik seksual minorenësh.

Ndërkohë pavarësisht miratimit të rezolutave kundër shitjes së armëve tek sauditët, në të dyja degët e parlamentit amerikan numri i votave është larg dy të tretave që duhen për të anuluar veton e paralajmëruar nga Donald Trump. Kongresi ndryshoi qëndrimin pas vrasjes së gazetarit disident saudit Jamal Khashoggi./ABC News Albania 24/7

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono