Trump, kundër hetimit të financave të tij personale

08:21 | 07/02/201908:210

Presidenti i SHBA, Donald Trump thotë se nuk ekziston ndonjë bazë që një komision i fuqishëm i Kongresit të hetojë financat e tij personale.

“Asnjë politikan tjetër nuk duhet të kalojë nëpër një proces të tillë. Quhet ngacmim presidencial. Dhe kjo është për të ardhur keq dhe me të vërtetë e dëmton vendin tonë”, u përgjigj zoti Trump të mërkurën kur u pyet nga një gazetar rreth vendimit të Komisionit të Zbulimit të Dhomës së Përfaqësuesve për të shqyrtuar financat e tij.

Presidenti Trump vuri në shënjestër kryesuesin e komisionit, Adam Schiff, një demokrat dhe kritik i njohur i presidentit.

“Mbi çfarë baze do ta bënte ai? Nuk ka asnjë bazë për ta bërë këtë. Ai është thjesht një person politik dhe po përpiqet të krijojë emër për veten e tij,” tha Presidenti Trump për zotin Schiff në përfundim të një aktiviteti të shkurtër në Shtëpinë e Bardhë për të shpallur zotin David Malpass si kandidat i SHBA për të drejtuar Bankën Botërore.

Disa orë para kësaj, zoti Schiff deklaroi se komisioni, tashmë në duart e demokratëve, do të zgjeronte hetimin përtej Rusisë dhe do të shqyrtojë nëse Presidenti Trump i merr vendimet e tij politike dhe veprimet e tjera si president nisur nga interesat e veta financiare.

Gjatë fjalimit të tij për gjendjen e vendit të martën, zoti Trump i cilësoi pyetje të tilla nga komisionet e kongresit “hetime partiake qesharake”.

Ai tha: “Nëse duam të ketë paqe dhe ligje, nuk mund të kemi luftë dhe hetime”./Zëri i Amerikës

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono