Tritol lokalit në zonën e Komunës së Parisit
Foto nga vendi i shpërthimit

09:06 | 26/07/201909:060

Një shpërthim me lëndë plasëse ka ndodhur në orët e para të mëngjesit të sotëm në një lokal në zonën e Komunës së Parisit në Tiranë. Ngjarja ndodhi rreth orës 03:00 të mëngjesit, ndërsa pista që po hetohet është ajo e konkurencës së fushën e biznesit.

Lënda plasëse dyshohet se u hodh drejt lokalit nga një automjet që ishte në lëvizje.

E gjithë skena është fiksuar nga kamerat e sigurisë së rrugës “Medar Shtylla” në zonën e Komunës së Parisit.

Shpërthimi ka qenë i fuqishëm dhe ka shkaktuar dëme materiale edhe te apartametet që ndodhen sipër lokalit.

Fatmirësisht nuk u raportua për persona të lënduar, por vetëm panik në radhët e qytetarëve.

Policia bën të ditur se tritoli shpërtheu në pjesën e jashtme të derës së lokalit, i cili është duke iu nënshtruar rikonstruksionit. Edhe dy automjete u dëmtuan, të cilat ndodheshin të parkuara pranë objektit.

Grupi hetimor po verifikon të kaluarën e administratorit të lokalit. Ky i fundi u shpreh para ofiverë të krimeve në drejtorinë e policisë së Tiranës se nuk ka konflikte me askënd. Pista që po hetohet nga uniformat blu është ajo konkurencës për shkak të biznesit.

Gazetar i ABC News: Andi Qosja

/ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono