Tregtia me Iranin, Kina dhe Gjermania sfidojnë Trump

22:19 | 08/08/2018

Kina dhe Gjermania janë bërë vendet e para që kanë sfiduar Shtetet e Bashkuara në lidhje me Iranin. Pas rivendosjes së sanksioneve, Pekini dhe Berlini kanë deklaruar se do të mbrojnë interesat e tyre tregtare. Ndërkohë, Teherani vlerëson se plani i Trump nuk do të funksionojë.

Kina dhe Gjermania kanë bashkuar forcat kundër presidentit amerikan Donald Trump, duke deklaruarr se do të vazhdojnë marrëdhëniet tregtare me Iranin, pavarësisht sanksioneve. Komentet e Pekinit dhe Berlinit zyrtar tregojnë se partnerët e Shteteve të Bashkuara janë të acaruar nga masat e marra nga Uashingtoni, që do të penalizojë bizneset e palëve të treta që do të bashkëpunojnë me Republikën Islamike. “Bashkëpunimi tregtar i Kinës me Iranin është i hapur, transparent, i arsyeshëm dhe legjitim. Ai nuk shkel asnjë nga rezolutat e Këshillit të Sigurimit të OKB-së”, thuhet në një komunikatë të Ministrisë së Jashtme. Qeveria në Pekin nënvizon se vazhdimisht i ka kundërshtuar sanksionet e vendosura në mënyrë të njëanshme dhe se do të mbrojë të drejtat e tij legjitime.

Ndërkohë, qeveria gjermane ka deklaruar se sanksionet amerikane ndaj Iranit kanë një ekstra-territorial, që shkel ligjin ndërkombëtar. Berlini ka bërë me dije se pret që Uashingtoni të marrë parasysh edhe interesat e Europës kur bëhet fjalë për masa të tilla. Ndërkohë, presidenti iranian Hassan Rouhani, ka hedhur poshtë çdo mundësi për bisedime me Shtetet e Bashkuara. “Në ditët e sotme, Amerika identifikohet si një vend i pabesë, që nuk përmbush asnjë prej detyrimeve të tij”, ka deklaruar Rouhani. Ndërsa ministri i Jashtëm, Mohamad Javad Zarif ka deklaruar se sanksionet nuk do të funksionojnë. “Synimi i presidentit Donald Trump për të detyruar botën të mos blejë naftën iraniane është i pashpresë”, ka thënë Zarif./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono