Trajneri i Partizanit, vlerëson ekipin e tij pas barazimit me miqësoren ndaj Sivasporit

12:37 | 10/01/2019

Partizani e bindi trajnerin e tij, Skënder Gega, pas ndeshjes përgatitore ndaj Sivasporit në Turqi. Përballja u mbyll në barazim, dhe Gega provoi thuajse të gjithë lojtarët që kishte në dispozicion
Një barazim dhe një konfirmim. Edhe pse pa përforcime, Partizani u duk lart në miqësoren e parë të luajtur në Turqi. Skuadra e trajnerit Skënder Gega barazoi 1-1 me Sivasporin, ekip I Superligës turke, duke mos treguar diferenca në lojë me kundërshtarin. Gega, edhe pse pret lojtarë të tjerë për mbrojtjen dhe sulmin, u shpreh pas takimit, i kënaqur me provën e futbollistëve të tij.
“Luajtëm pas ngarkesave të mëdha fizike, por ishim mirë, – tha ai për mediat e shkruara, – pas shënimit të golit, bëmë 10 zëvendësime për t’i dhënë mundësi të gjithëve, dhe për të parë gjendjen e tyre”.
Nuk u aktivizuan vetëm sulmuesi shkodran Rubin Hebaj, që ka probleme fizike, si dhe afrimi më i fundit, mesfushori Dilaver Duka, që ka vetëm dy ditë me ekipin.
Golin për Partizanin e shënoi Jasir Asani në minutën e 47-të, ndërsa për Sivasporin barazoi Torje, në të 67-ën me penallti. Partizani do të luajë këtë të premte, miqësoren e dytë, atë ndaj Antaliasporit po të Superligës së Turqisë, ndërsa në 14 janar luhet përgatitorja e fundit, ndaj skuadrës më të fortë të Kroacisë, Dinamos së Zagrebit./abcnews.al/




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono