Tomor i pamëshirshëm në derbi, rezultat “tenistik” ndaj Skraparit

15:39 | 25/01/202015:390

Tomori fiton me goleadë testin e radhës miqësor me Skraparin. Ndeshja nisi me 40′ minuta vonesë, pasi miqtë arritën vonë në Berat. Përballja ishte e qetë në fillim dhe u desh një gabim në mbrojtje të ndizte sfidën. Aty përfiton Guri, i cili kaloi edhe portierin dhe e dërgoi topin në rrjetë.

Avantazhi i skrapalinjve nuk zgjati më tepër se katër minuta, pasi Dervishi barazoi duke goditur saktë me kokë. Në gjashtë minutat e fundit beratasit shënuan edhe tre herë me Kovaçin, sërish Dervishin dhe Kopaçen, duke plotësuar “pokerin”.

Pjesa e dytë nisi e shpejtë për beratasit, që humbin dy raste të pastra shënimi. Fillimisht Lirëza goditi tranversën pas një goditje me kokë, kurse Kovaçi gaboi pak metra me portën. Pas minutës së 15-të, tekniku Kristaq Mile zgjodhi të ndryshonte gjithë skuadrën.

Për miqtë zëvendësimet janë me pikatore, në mungesë të alternativave. Ritmi ra disi, edhe pse të dy skuadrat provuan me mundësitë e tyre të shënonin. Mundësia më e mirë për miqtë ishte me kapitenin Jaho, i cili goditi tranversën. Beratasit e kompletuan fitoren e thellë me golat e Nasufit dhe Isufit, që e vulosën rezultatin në 6-1.

Drejtuesit skrapalinj e kanë përdorur këtë takim për të “joshur” të rinj beratas, për t’i pasur pjesë të tyre në pjesën e dytë të sezonit. Ndërkohë Mile duhet të bëj llogaritë me organikën e fryrë dhe ndonjë afrim cilësor, që duket i vështirë për t’u arritur. /abcnews.al

Miqësore, Tomori – Skrapari 6-1
Shënues:
22′ Dervishi, 38′ Kovaçi, 40′ Dervishi, 44′ Karamani, 84′ Nasufi, 88′ Isufi/ 18′ Guri

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono