Tirana vuan shumë, por fiton

21:58 | 04/05/2019

Edon Hasani ishte heroi i Tiranës në takimin ndaj Skënderbeut, i cili shënoi golin e fitores në kohën shtesë. Bardheblutë shkëputën 5 pikë nga Kastrioti i vendit të parafundit.

Tirana fitoi ndaj Skënderbeut në minutat shtesë falë golit të Edon Hasanit. Bardheblutë marrin frymë lirisht pas tre pikëve të siguruara në javën e 32. Të besuarit e trajnerit Ardian Mema nuk e patën aspak të lehtë pasi luajtën rreth 25 minuta me një lojtar më pak pas dëmtimit të Oduamadit ndërkohë që ishin kryer të gjitha zëvendësimet.

Tashmë diferenca me Kastriotin e vendit të parafundit është plot 5 pikë. Janë fillimisht miqtë që i afrohen golit në minutën e 7 me Bregun, por Abibi mban portën e paprekur. Janë sërish të besuarit e trajnerit Orges Shehi që shpërdorojnë një rast të mirë për të kaluar në avantazh Skënderbeun. Në minutën e 36 Bregu kroson për Krasniqin, por ky i fundit nuk përfiton dhe shifrat mbeten 0-0.

Tirana reagon dhe hidhet në sulm me Hasanin, i cili nuk arrin të ndal siç duhet topin brenda zonës. Edhe në aksionin e dytë të lojës, Skënderbeu shpërdoron shumë. Krasniqi e ka të pamundur për të realizuar me portën e boshatisur. Gjyqtari akordon 4 minuta shtesë që shfrytëzohen mjaft mirë nga Tirana. Edon Hasani realizon golin e tre pikëve për bardheblutë që ka shijen e mbijetesës.

Tirana rikthehet tek fitorja në momentin e duhur dhe qetësia tashmë është prezente tek lojtarët. Në fundin e ndeshjes u regjistrua një incident i vogël në tribunën Vip që gjithsesi nuk e zbehu festën e një fitoreje kaq të rëndësishme dhe të domosdoshme. Tashmë Tirana ka kohën e mjaftueshme të mendojë për derbin ndaj Partizanit./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono