“Timoni i BE” pret djathtas, socialistët humbin deputetë

22:00 | 26/05/201922:000

Qytetarët evropianë nga 21 vende të cilët votuan këtë të diel për zgjedhjen e deputetëve në Parlamentin Evropian duket se preferojnë të djathtën, pasi sipas rezultateve të deritanishme Partitë Popullore Evropiane kanë marrë 173 deputetë, të ndjekur nga socialistët dhe demokratët me 147 deputetë dhe nga liberalët me 102 deputetë.

Të katërtit në numërimin e deritanishëm renditën të Gjelbrit me 71 euro-parlamentarë, më pas konservatorët me 58 vende si dhe grupimin ENF, ku bën pjesë dhe Lega e Salvinit me 57 vende në Parlamentin Evropian.

Të dhënat mbetën të pjesshme për shkak se vijon numërimi i votave. Por grupimi i Partive Popullore Evropiane nuk ka humbur kohë që të deklarojë jo vetëm fitoren, por edhe nisjen e menjëhershme të negociatave në mënyrë që të arrijë koalicionet e mundshme për të patur shumicën në Parlamentin Europian. Lajmin e ka bërë të ditur zëvendës presidentja e PPE-së Esther de Lange.

Në zgjedhjet e kësaj të diele u arrit dhe një rekord, në lidhje me pjesëmarrjen në votime, e cila afrohet gati 51 përqind e votuesve në 27 vendet e BE, duke u bërë kështu pjesëmarrja më e lartë e votuesve ne 20 vitet e fundit. /ABC News Albania 24/7


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono