Thyhet siguria e WhatsApp

08:45 | 14/05/2019

Një grup hakerash ka sulmuar aplikacionin WhatsApp. Në disa celularë është instaluar një system spiunimi. Platforma siguron përdoruesit e saj se bëhet fjalë për një numër të kufizuar njerëzish të prekur nga ky sulm, ndërsa instalimi i sistemit është bërë nëpërmjet një telefonate anonime.

WhatsApp ishte viktimë e një sulmi informatik nga një grup hakerash. Ky i fundit arriti të instalonte një softuer vezhgimi në celularë dhe aparate të tjera, duke shfrytëzuar një nga pikët e dobëta të aplikacionit. Platforma e famshme e mesazheve deklaroi se sulmi ka prekur vetëm një numër të vogël përdoruesish.

WhatsApp i ka kërkuar të gjithë përdoruesve të saj, një milliard e gjysëm persona , që të azhornojnë aplikacionin me versionin e fundit në dispozicion dhe të marrin masat e duhura. Ekspertët sqaruan se për momentin nuk është ende e mundur të përcaktohet se sa njerëz kanë qenë objektiv i sulmit, por këta të fundit janë zgjedhur në mënyrë specifike.
Sistemi i spiunazhit është i njëjtë me teknologjjinë e zhvilluar nga një shoqëri izraelite për sigurinë informatike “NSO Group”. Kjo e fundit sipas Financial Times, konsiderohet dhe si e dyshuara kryesore për sulmin. Pika e dobët e sistemit u zbulua vetëm dissa ditë më parë dhe për momentin nuk dihet se për sa kohë ka vazhduar aktivititeti i spiunazhit. Sistemi instalohej me anë të një telefonate edhe pa përgjigje, nga ana e hakerave drejt telefonit që donin të përgjonin. Në shumë raste më pas telefonata është zhdukur nga kronologjia./ABC News Albania 24/7 


<iframe width=”560″ height=”315″ src=”https://www.youtube.com/embed/mNL6MENmzxE” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono