Thaçit: Jap dorëheqjen nëse marreveshja me Serbinë nuk miratohet në Parlament

11:38 | 26/02/2019

Në një intervistë për mediat në vendin tonë, presidenti i Kosovës Hashim Thaçi deklaroi se do të japë dorëheqjen nëse marrëveshja që do të arrihet me Serbinë nuk do të miratohet në parlament

Presidenti i Kosovës, Hashim Thaçi, u deklarua i gatshëm për të dhënë dorëheqjen nëse marrëveshja përfundimtare që do të arrihet me Serbinë, nuk do të marrë miratimin në parlamentin e vendit. Kreu I shtetit shtoi se hapi i rradhës do të ishte mbajtja e një referendumi për marrëveshjen në fjalë.

Thaci theksoi se nëse Presheva, Medvegja dhe Bujanovci i bashkëngjiten Kosovës me marrëveshje, dhe Kuvendi i Kosovës nuk e aprovon, ai do të japë dorëheqjen ose do të shpallë referendumin; këtë të fundit me bindje se do të fitojë 80%, sepse 99% e qytetarëve në Preshevë, Medvegjë dhe Bujanovc e përkrahin bashkangjitjen me Kosovën, dhe rreth 75-80% e qytetarëve të Kosovës aktualisht e mbështesin këtë bashkëngjitje.

Në intervistën për televizionin shqiptar Report TV, Thaçi mohoi se marrëveshja përfshin lëshim të territoreve nga Kosova. Presidenti i Kosovës deklaroi se është gati që të shkojë në Hagë, nëse Gjykata Speciale e thërret.

Dhe nëjherë më shumë presidenti i bëri thirrje kryeministrit Haradinaj që të heqë taksën për mallrat nga Serbia, duke thënë se ato po futen kontrabandë dhe miqësia me SHBA-në po dëmtohet.

Presidenti i Kosovës kërkoi që këshilla e SHBA-së për heqjen taksës me Serbinë të dëgjohet, pasi pa mbështetjen e Amerikës, sipas tij, integrimi në NATO, BE apo edhe njohjet mbesin ëndërr./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono