Thaçi takohet me Vuçiç në Bruksel më 18 Korrik


12:40 | 12/07/2018

Presidenti i Kosovës, Hashim Thaçi dhe homologu i tij serb, Aleksandër Vuçiç, do të takohen në Bruksel më 18 Korrik. Ky takim është thirrur nga ndërmjetësuesja e dialogut Kosovë-Serbi, shefja për politikë të jashtme të Bashkimit Evropian, Federica Mogherini.

Në këtë raund të ri të dialogut do të shqyrtohet progresi në diskutimet mbi marrëveshjen gjithëpërfshirëse të normalizimit dhe të planifikohen hapat dhe takimet e ardhshme.

“Kemi për qëllim që të sigurohemi që puna mes të dyja palëve të vazhdojë me ritëm të intensifikuar”, njofton zyra e kryediplomates evropiane.

Ndërkohë, takimi i fundit Thaçi-Vuçiç në Bruksel u mbajt më 24 Qershor. Dialogu mes dy vendeve ka arritur në fazën e fundit ku dhe pritet një marrëveshje, e cila mund të përmbajë njohjen reciproke mes Kosovës dhe Serbisë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono