Thaçi: Takimi i Berlinit nuk është thirrur për ndonjë marrëveshje

14:24 | 17/04/2019

Presidenti i Kosovës, Hashim Thaçi, ka hedhur poshtë zërat se në takimin e Berlinit mund të arrihet ndonjë marrëveshje mes Kosovës dhe Serbisë. Për më tepër, Thaçi tha se nuk ka asnjë axhendë të fshehtë pas këtij takimi.

Presidenti i Kosovës, Hashim Thaçi, ka folur rreth takimit që do të mbahet me 29 Prill në Berlin me ftesë të Kancelares gjermane, Angela Merkel dhe presidentit të Francës, Emmanuel Macron. Duke zbuluar skenarin e tij, Thaçi u shpreh se ky takim nuk është ftuar për të arritur ndonjë marrëveshje apo plan në mes të Kosovës dhe Serbisë.

“Si president jam në konsultim të vazhdueshëm me partnerët ndërkombëtarë për zhvillimet në Kosovë dhe në Ballkanin Perëndimor. Takimi i Berlinit do të jetë vazhdimësi e interesimit të Gjermanisë dhe Francës për Kosovën dhe rajonin tonë. Ne e mirëpresim dhe e përshëndesim këtë iniciativë. Bazuar në konsultat që kam zhvilluar, nuk do të ketë asnjë plan që do të propozohet për marrëveshjen Kosovë-Serbi. Për më tepër, nuk ka asnjë agjendë të fshehtë prapa këtij takimi”, tha Thaçi.

Sipas presidentit të Kosovës, në fund të këtij takimi, pjesëmarrësit do të dalin me një deklaratë të përbashkët që konfirmojnë perspektivën evropiane të Kosovës dhe Serbisë.

“Presim që, në fund, ky takim të rezultojë me një deklaratë retorike të përgjithshme, paraprakisht të dakorduar mes pjesëmarrësve, e cila ndër të tjera do të rikonfirmojë së paku perspektiven evropiane të rajonit tonë, thellimin e reformave sidomos në sundimin e ligjit, si dhe do të theksojë domosdoshmërinë e normalizimit të marrëdhënieve ndërmjet Kosovës dhe Serbisë. Për Kosovën do të ishte tepër dëshpëruese në rast se edhe në këtë takim, Franca dhe Gjermania, dështojnë të harmonizojnë qëndrimet e tyre për vendimin për liberalizimin e vizave për qytetarët tanë. Kosova mbetet vendi i vetëm i izoluar në Evropë. Prandaj, të flasësh për perspektiven evropiane të Kosovës, qoftë edhe vetëm në mënyrë retorike, është më tepër se hipokrizi”, thaThaçi.

Këto deklarime të Thaçit vijnë pas raportimeve në media se në Berlin do të arrihet një marrëveshje në parim mes Prishtinës dhe Beogradit./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono