Thaçi “mbron” ushtrinë në Bruksel: Vendim që na përket vetëm ne

23:35 | 19/12/2018

Në një deklaratë për gazetarët në Bruksel, ku po merr pjesë në takimin e liderëve të Ballkanit perëndimor, presidenti i Kosovës Hashim Thaçi ka mbrojtur vendimin për krijimin e ushtrisë duke thënë se ky është një vendim që i përket vetëm vendit të tij .

Presidenti i Kosovës, Hashim Thaçi, gjatë qëndrimit në Bruksel, ku mori pjesë në një takim të liderëve të Ballkanit Perëndimor, ka komentuar për gazetarët zhvillimet e fundit në vend.

Ai përsëriti se çështja e Ushtrisë së Kosovës tashmë është e kryer dhe se nuk ka kthim prapa. Kreu I shtetit të Kosovës theksoi se ushtria ka marrë mbështetje prej vendeve më të fuqishme të botës edhe para fillimit të seancës së OKB-së si dhe nga tetë vendet e BE-së që dolën me një deklaratë të përbashkët.

Tek e fundit, shtoi ai, ky është vendim i Kosovës, i të zgjedhurve dhe institucioneve të vendit.

Duke iu referuar rolit të tij në dialogun me Serbinë, Thaçi u shpreh se roli i tij në dialog do të jetë kushtetues dhe ligjor, por që në të njëjtën kohë priste angazhim nga ekipi negociator, prej të cilit do të formohen edhe nënekipe tjera. Thaçi tha se Kosova duhet të tregojë lidership serioz, e shtet serioz që merr vendime që ratifikohen në Kuvendin e Kosovës.

Ndërsa për sa i përket liberalizimit të vizave për vendin, ai i cilësoi vonesat si të të padrejta. “Ne kemi kryer të gjitha detyrat, më tepër se të gjithë vendet tjera që kanë kaluar nëpër procesin e liberalizimit të vizave” përfundoi ai. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono