Teuta bie në Laç, Bylisi e Kukësi tregojnë “muskujt”

14:55 | 23/10/201914:550

Bylisi ngjitet në krye të klasifikimit pas fitores së arritur me Tiranën. Ballshiotët shfrytëzuan humbjen e Teutës, që në Laç pësoi tre gola. Kukësi ka bërë kthesën, duke kryer detyrat e shtëpisë me Luftëtarin e vendit të parafundit. Katër gola të shënuar dhe një i pësuar për verilindorët, që ngjiten në vendin e tretë në klasifikim.

NDESHJET – Teuta vuan kur shkon në Laç dhe kështu ndodhi edhe sot. Durrsakët dorëzuan kreun e renditjes, pasi pësuan tre gola nga kurbinasit. Ekipi i drejtuar nga Armando Cungu arriti të shënonte dy herë në pjesën e parë me anë të sulmuesi Kyrian Nwabueze. Të parin amerikano-niegeriani e realizoi me penallti. Me fillimin e pjesës së dytë Xhixha shënoi edhe golin e tretë, duke bërë që Teuta të mos kishte më shpresa. Skuadra e Shkëmbit bëri një ndeshje të dobët, që e kthen me këmbë në tokë. Titulli do gjunjë.

Nwabueze dhe Xhixha festojnë golin e dytë

Kukësi nuk e ka pasur të vështirë me Luftëtarin. Ndeshja nisi më së miri, me Ethemin që me portën e boshatisur shënoi pas pasimit të Shkurtajt. Sulmuesi vlonjat më pas realizoi pas një asistë të Abazajt dhe skuadra e Duros shkoi drejt dhomave të zhveshjes me avantazhin e dy golave. Goli i tretë erdhi me penallti nga Rroca, i cili e fitoi dhe e ekzekutoi vetë. Çela për Luftëtarin shënoi golin e nderit, ndërkohë që Shkurtaj më pas realizoi edhe të katërtin.

Në Ballsh Bylisi tregon forcën ndaj Tiranës dhe për 25 minuta shënon dy herë. Goxha i harruar në zonë shënoi golin e parë, kurse më pas Batha gaboi në mesfushë dhe Guindo pasi shmangu portierin shënoi edhe golin e dytë. Në 45 minutat e dyta Tirana u mundua të hapte takimin dhe ia doli të shënonte me Dungën. Gjithsesi Celis me një gjuajtje nga distanca befasoi Bakajn dhe me golin e tretë të pësuar Tirana “kapitulloi”.

KATEGORIA SUPERIORE – JAVA 9
E mërkurë, 23 tetor 2019
Kukësi-Luftëtari 4-1
Shënues:
Ethemi 2′, Shkurtaj 26′, 63′ Rroca 50′ (pen.) / Çela 56′
Laçi-Teuta 3-0
Shënues:
Nwabueze 18′ (pen.), 28′, Xhixha 50′
Bylis-Tirana 3-1
Shënues:
Goxha 5′, Guindo 25′, Celis 71′ / Dunga 65′

/abcnews.al

Renditja e Kategorisë Superiore

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono