Testi i dytë i maturës, gjimnazistët: Provimi ishte i vështirë

15:20 | 12/06/2019

Rreth 36 mijë maturantë në vend i janë nënshtruar testit të dytë të maturës shtetërore, atij të gjuhës shqipe dhe letërsisë.  Maturantët në Tiranë thonë se teza ishte e vështirë ndërkohë që kishin pak kohë në dispozicion për ta zgjidhur.

Gjuhen shqipe dhe letërsinë maturantët nuk e kanë kaluar lehtë. Gjimnazistet e “Sami Frashërit” në Tiranë shprehen se provimi i dytë i maturës shtetërore ishte i vështirë ndërsa koha në dispozicion e pamjaftueshme.

Për të marrë maksimumin e pikëve, 60 në total, në dy orë e 30 minuta maturantët duhet të plotësonin 34 pyetje, 14 me zhvillim dhe 20 me alternativa.  Këtyre të fundit ato i janë përgjigjur në një fletë të veçante pasi për herë të parë këtë vit korrigjimi i tyre do të bëhet elektronikisht.

Maturantet tregojnë se e kanë pasur të pamundur të komunikojnë me njeri-tjetrin ndërsa celularët nuk i kanë marrë me vete.

Emocionet e fëmijëve kanë përfshirë dhe prindërit.

Testit të gjuhës shqipe dhe letërsisë iu nënshtruan rreth 36 mije maturantë në të gjithë vendin. Pas pesë ditësh ata do te japin provimin e matematikës dhe me 24 Qershor mbyllin maturën shtetërore me testin e lëndës me zgjedhje./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono