Terrorizoi pushuesit në Dhërmi, gjykata lë në burg Emiljano Ninën


13:27 | 11/07/2018

Gjykata e Vlorës vendosi arrest me burg për Emiljano Ninën, të riun që qëlloi me armë në mes të një diskoje në plazhin e Dhërmiut. Ngjarja u shoqërua me kaos dhe panik të pushuesit, të cilët u ndjenë të pasigurtë në atë pjesë të bregdetit tonë.

I riu që terrorizoi pushuesit tek Havana në Dhërmi nuk foli asnjë fjalë në gjykatë.  Me mjete të blinduara dhe asnjë mundësi transaparence për gazetarët Emiliono Nina hyri në Gjykatën e Vlorës.

Në një seancë jo shumë të zgjatur, gjykata la në burg 23-vjeçarin.

Për Emiljano Ninën u caktua masa e sigurisë arrest me burg për prishje dhe të rendit dhe sigurisë publike si dhe për mbajtje e përdorim të armëve pa leje.

Nina, natën e së shtunës së kaluar ka shtënë katër herë me pistoletë në mes të diskos. Ai u konfliktua me disa të rinj të tjerë për arsye ende të paqarta.

Por krismat e armës shkaktuan kaos dhe panik tek të pranishmit që po dëfrenin orëve të natës.

Ambientet e brendshme të lokalit u shkatërruan, kurse Nina u kap ditën tjetër në Tiranë.

Kjo ngjarjë shkaktoi panik tek pushuesit, të cilët kërkuan që policia të marrë në kontroll situatën. Edhe pas masës së sigurisë asgjë e qartë nuk është dhënë për personazhin tashme në burg pa afat./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono