Terroristë mes refugjatëve që kalojnë Mesdheun

22:56 | 19/09/201922:560

Në përfundim të një operacioni 6-javor, Interpol ka zbuluar një numër personash të dyshuar si terroristë që kanë kaluar Mesdheun, duke mbërritur në Europë. Agjencia policore ka bërë të ditur se ka kryer mbi 1.2 milionë kontrolle në portet e 6 vendeve të ndryshme në periudhën 24 Korrik-8 Shtator.

Operacioni “Neptun 2” është fokusuar tek akset detare mes vendeve të Afrikës së Veriut dhe atyre në jug të Europës. Gjatë operacionit, Interpol ka përdorur bazën e gjerë të të dhënave për të verifikuar një seri aktivitetesh ilegale, si vjedhja e dokumenteve të identitetit dhe e automjeteve.

Zyrtarë nga Algjeria, Franca, Italia, Maroku, Spanja dhe Tunizia kanë kryer operacionet në terren. Megjithatë, agjencia policore nuk ka dhënë detaje mbi të dyshuarit si anëtarë të grupeve militante.

Vetëm këtë javë, disa qindra emigrantë mbërritën në Itali dhe Greqi, shumica e të cilëve me varkë nga Libia dhe Turqia./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono