Terri elektrik mbulon Argjentinën dhe Uruguain

22:22 | 16/06/201922:220

Një defekt masiv elektrik ka lënë tërësisht pa energji shtetet e Argjentinës dhe Uruguait. Sipas mediave ndërkombëtare, që citojnë furnizuesin kryesor me elektricitet të Argjentinës, ndërprerja ka prekur edhe pjesë të Brazilit dhe Paraguait.

Media argjentinase bën të ditur se ndërprerja u verifikua mëngjesin e së dielës, me orën lokale, duke shkaktuar vonesa në trafikun hekurudhor dhe probleme në atë rrugor.

Episodi u verifikua teksa qytetarët në disa pjesë të vendit latin po përpiqeshin të shkonin për të votuar për zgjedhjet vendore. Ministri argjentinas i Energjitikës, Gustavo Lopetegui ka deklaruar se shkaqet e defektit nuk janë verifikuar ende.

Ndërsa Ministria për Mbrojtjen Civile ka vlerësuar se pjesërisht energjia do të kthehet pas disa orësh. Në kryeqytetin Buenos Aires elektriciteti është kthyer në disa zona, ndërkohë që dy aeroportet kryesore po punojnë me gjeneratorë.

Edhe në Uruguai, sipas autoriteteve vendase, energjia është rikthyer në zonat bregdetare. Popullsia e dy vendeve latine të marra së bashku është rreth 48 milionë banorë./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono