“Tërmet” në qeverinë britanike, japin dorëheqjen katër ministra

12:21 | 15/11/201812:210

Janë katër ministrat që kanë dhënë dorëheqjen nga qeveria e kryeministres britanike Tereza Mej, pas prezantimit të marrëveshjes me Bashkimin Europian për Brexit. Ministri i Punës, ai i Irlandës së Veriut, ministri për Brexit dhe zëvendësministrja u deklaruan kundër kësaj marrëveshjeje.

Tërmet në qeverinë e Tereza Mej pas arritjes së marrëveshjes me Brukselin për Brexit. Ministri për marrëveshjen me Bashkimin Europian, Dominic Raab, ministrja e punës MekVei dhe ai për Irlandën e Veriut, kanë dhënë dorëheqjen. Me anë të një mesazhi në Tuiter, tashmë ish ministri Raab u shpreh se nuk mund të mbështeste kushtet e marrëveshejs. E menjëhereshme ishte dhe dorëheqja e zëvendës ministres për Brexit Suela Brejvërmen. Ndërsa Mekvej këmbëngul se kjo marrëveshje nuk nderon rezultatin e referendumit.

Najxhel Faraxh, eurodeputeti themelues i Ukip, një nga bashkëautorët e BREXIT, u shfaq i entuziazmuar për dorëheqjen e ministrit Dominik Raab. Me anë të një mesazhi në Tuiter ai u shpreh se ishte në pritje të dorëheqjes së kryeministres Mej. Menjëherë pas marrëveshjes, Faraxh u bëri apel ministrave të Mej që të largoheshin nga qeveria duke e cilësuar marrëveshjen si më të keqen në histori.

Por pavarësisht dorëheqjeve të njëpasnjëshme, kryeministrja britanike Tereza Mej ka këmbëngulur se marrëveshja e arritur me Bashkimin Europian është një zgjedhje e bërë në interes të vendit. Ajo premtoi se kjo marrëveshje do të garantojë daljen e vendit nga Bashkimi Europian në kohën e duhur, dhe se alternativa e vetme e saj do të ishte mungesa totale e një marrëveshjeje. Ajo pranoi se negociatat kanë kërkuar zgjedhje të vështira dhe se respektonte vendimin e Dominik Raab dhe të tjerëve që dhanë dorëheqjen, por nuk i kuptonte. Ajo ka mohuar në mënyrë kategorike mbajtjen e një referendum të dytë për këtë çështje. Dhe vlera e stërlinës vuan pasojat e situatës politike të krijuar në vend pas dorëheqjes së ministrave, duke shënuar rënie përballë euros dhe dollarit./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono