Tenori kosovar pas koncertit në Shkup: Nuk punoj me jo profesionistë

19:05 | 06/04/201919:050

I planifikuar të mbahej me Orkestrën e Operës së Maqedonisë, koncerti i tenorit kosovar Ramë Lahaj në Shkup ka qenë në prag të dështimit. Tenori me nam botëror nuk është shoqëruar nga orkestra. Ramë Lahaj për Klan Maqedonia është shprehur i zhgënjyer nga orkestra, por ka bërë të ditur se një mentalitet i këtillë nuk ka ndalur dot mbajtjen e koncertit.

Ramë Lahaj, tenor: Nuk punoj me një orkestër që gjysma rri në telefon, gjysma nuk ka partiturë. Dikush ka partiturë por luan gabim, domethënë tek unë është e papranueshme. Unë kisha kolegë, më duhej një pianist për ta shpëtuar koncertin sepse nuk na ndalin dot.

Në këtë mënyrë tenori me famë botërore Ramë Lahaj e ka arsyetuar mungesën e orkestrës të Operës së Maqedonisë në koncertin tij në Shkup. Ai la të kuptohej se muzika flet me gjuhën universale dhe i vjen keq për një mentalitet të këtillë.

Ramë Lahaj: Mua më vjen keq për orkestrën. Më vjen keq akoma që në këtë anë ka akoma tentativa për të penguar nismat e mira shqiptare. Mua më vjen shumë keq sepse këtë teori e kemi lënë mbrapa në Kosovë dhe nuk ka funksionuar. Këta e kanë shembullin që ajo nuk ka funksionuar.

Versioni zyrtar i krejt kësaj kanë qenë problemet teknike. Në atë të prapaskenës është përmendur edhe sabotimi nga ana e orkestrës, por edhe dështim i organizatorit. Në koncertin që ka hapur festivalin “Skena e muzikës serioze shqiptare” pos Lahajt kanë interpretuar edhe sopranoja Venera Gimadieva baritoni Bogdan Baciu e mezzo-soprano Irena Kavkalevska. Festivali në edicionin e tij të shtatë do të ketë gjithsej shtatë koncerte në Shkup./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono