Temperatura të larta në verilindje, shkrirja e borës rrit nivelin e Fierzës

14:55 | 12/02/2019

Rritja e temperaturave edhe në verilindje, ka sjellë shkrirjen e borës, e për pasojë rritjen e nivelit të liqenit të Fierzës. Por pavarësisht kësaj, Fierza nuk po punon me kapacitet të plotë.

Në verilindje situata e motit ka marrë për mbarë drejt pranverës. Prej ditësh temperaturat janë rritur ndjeshëm, duke ndikuar në shkrirjen e masës më të madhe të dëborës.

Prurjet e përftuara nga ky fenomen, por edhe nga reshjet e herëpashershme të shiut, po rrisin ndjeshëm nivelin e ujit në liqenin e Fierzës.

Vetëm gjatë javës që shkoi, niveli i ujit është rritur me dy metra më shumë e me tendencë rritje të konsiderueshme.

Në Fierzë ende nuk ka prodhim me kapacitet të plotë të energjisë. KESH po siguron rezerva ujore të mjaftueshme për të nisur prodhim të plotë diku nga fundi i prillit. E për momentin, sasia më e madhe e energjisë elektrike sigurohet nga importi.

Gazetar i ABC News, Kukës: Bujar Muçmata

/abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono