Tabaku: Taksa progresive ka varfëruar më shumë shqiptarët

12:25 | 22/03/2018

Taksa progresive nuk zvogëlon hendekun social dhe nuk shpërndan të ardhurat në mënyrë efiçente. Studimi vjen nga Banka Botërore dhe për nënkryetaren e komisionit të ekonomisë rrëzon zyrtarisht premtimin kryesor, me të cilin Rama erdhi në pushtet se me taksën progresive, 97% e shqiptarëve do të paguajnë më pak.

Jorida Tabaku: “Sipas të dhënave të publikuara, numri i të varfërve që jetojnë me më pak se 2.5 USD në ditë është rritur me rreth 7 mijë si rezultat i taksës progresive. Por, sipas Bankës Botërore, efektin më të madh negativ kjo taksë e ka pasur tek individët apo familjet që jetojnë me 4 USD në ditë, duke prodhuar edhe më shumë varfëri tek ata, të cilët e ndjejnë më shumë rritjen e taksave”.

2 miliardë dollarë taksa më shumë paguajnë shqiptarët në 5 vitet e fundit, por këto para përkthehen në fitime për koncesionarët klient të qeverisë, theksoi Tabaku.

Jorida Tabaku: “Për shkak të rritjes së taksave, sot shqiptarët paguajnë për karburantin çmimin më të lartë në rajon,
• Çmimi i energjisë është rritur, me 24 përqind për 75 përqind të konsumatorëve
• Çmimi i ujit është rritur me 40 përqind dhe pritet që të rritet sërish,
• Bizneset e vogla janë futur në skemën e TVSH-së, ndërsa miqtë oligarkë të kryeministrit, për llogari të të cilëve shqiptarëve po u grabitet prona me vendim qeverie, janë përjashtuar nga TVSH-ja. Nga ana tjetër, është rritur tatimi për të ardhurat personale deri në 23 përqind dhe tatimi mbi fitimin, në 15 përqind”.

Rritja e ndjeshme e taksave, dështimi në mbledhjen e të ardhruave dhe mungesa në investime janë politika të dështuara të evidentuara edhe nga Fondi Monetar Ndërkombëtar, theksoi Tabaku, duke ofruar alternativën blu.

Jorida Tabaku: “Ne mendojmë që rruga e vetme për të shpëtuar ekonominë dhe mbi të gjitha për të nxjerrë vendin nga moçali i varfërisë ekonomike, është taksa e sheshtë”./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono