Tabaku: “Shifrat për punësimin, propagandë e qeverisë në kohë përmbytjesh”


17:39 | 05/12/2017

Propagandë në kohë përmbytjesh, kështu e quajnë demokratët pretendimin e qeverisë për rritje të punësimit dhe ekonomisë.

“Duke ju referuar të dhënave të INSTAT, që kontrollohet nga qeveria, numri i të punësuarve në 4 vjet, është rreth 30 mijë. Thënë ndryshe sa 1/10-ta e premtimit të tij elektoral, tregues i një ekonomie që nuk lëviz dhe që ka përqëndruar paranë në disa duar”.

Vetëm dy janë treguesit që në pesë vjet nuk panë kurrë rënie, tha Jorida Tabaku.

“Gjatë këtyre 5 vjetëve, në çdo buxhet që kjo qeveri solli, pati rritje taksash për bizneset e mëdha e të vogla, për qytetarët, për pensionistët. Sot, ne paguajmë 1,5 miliardë euro taksa më shumë se 5 vjet më parë.
Sot, ekonomia më e madhe infomale është ajo e drogës, kështu që është e kotë që Ahmetaj të ulet me bizneset për të diskutuar se si mund të ulet informaliteti. Sot, 1,2 miliardë euro vijnë vetëm si rezultat i drogës”.

Më e keqja është ajo çfarë bëhet me këto para, sipas Tabakut, sepse burimin e kanë drejtpërdrejt nga puna e qytetarëve, por kurrë nuk investohen për ta.

“Sot, rritja ekonomike në Shqipëri është në pikëpyetje sepse vjen e gjitha prej sektorit të ndërtimit, kur Banka e Shqipërisë thotë se nuk dihet me çfarë burimesh financohet.
Përballemi me një informalitet në rritje, ku sipas Bankës Botërore 60% e të punësuarve janë informalë.
Çdo ditë mbyllen 40 biznese nga pamundësia për të mbijetuar në një treg të pabarabartë”.

Vendet e punës do të ishin rritur realisht nëse kryeministri i vendit dhe ministri i Financave nuk do të shpenzonin 350 milionë euro vetëm për ndërtimin e fabrikave që djegin plehra, përfundoi deputetja demokrate./abcnews.al

 

 

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono